பத்து ரூபாய்

சில நாள் பிறகு, அழுக்கு சட்டைகளை தோண்டி எடுத்து ,
பல வண்ண துணிகளில் இது எனதா? இல்லை நண்பனதா என்று யோசித்து
இறுதியில் இது நமது என முடிவுக்கு வந்து,
அதில் வெள்ளை விழாமல்! வாசனை வராமல் பார்த்து பக்குவப்படுத்தி,
பல்கலைகழகத்திற்கு  புறப்படும் போது, கையிருப்பில் ஒரு  ரூபாய் வைக்க வில்லை!
வார இறுதியில் இது முன்பே தெரிந்திருந்தால் ஒரு புகை சுருளை குறைத்திருப்பேன்!
விடுதியில் இருப்பவருக்கு தெரியும் அம்மாவின் பத்து ரூபாயும் அரிதென்று!
டீ கடையில் தேனீருக்கும் காசில்லை! கடனை தாண்டி தர சேட்டா-வுக்கும் மனதில்லை!
எதோ ஒரு ஞாபகத்தில் சட்டை பையில் கை துளவிய போது இருந்தது, 
கசங்கி மடிந்த சிறு கிளிசல் கொண்ட ரூபாய்!
ஊரிலிருந்து வரும் போது எத்து பள்ளு அண்ணாச்சி கடையின் செலவு மிச்சம்
பத்து ரூபாய்!